دلگویه برای شهدا
مه دل تنگه مه دل تنگه مه دل تنگ
مره یاد بیموئه روزای جنگ
وقتی که داوطلب بینه جوونا
دفاع از دین وقرآن بِی یَه فرهنگ
امه جوونا شینه دسّه دسّه
سختیّه جبهۀ ی جا نینه خسّه
دشمن جلو اِسّا نا گتنه
که شهادت اَمه آرزو هسّه
کجه سراغ دارنی تره بخدا
چنتا از برار وپِر جدا جدا
اتّاخنۀ دله دتا سه تا
شینه جبهه وبا هم بینه فدا
شهیدون جان هدانه دین بمونّه
اَمه دین و اَمه آئین بمونّه
وشون اماره گتنه که نلّین
امه اسلحه ره زمین بمونّه
بدینی شهیدونِ خِت وخوره
دونّنی شهیدونِ آرزو ره
سفارش کردبینه در حق رهبر
بشتوسّنی وشونِ گفتگوره
خواخرون حفظ هکنین شه حجابّه
حفظ هکنین شه دین و شه کتابّه
حضرت زینب ِ جا یاد بهیرین
با حجاب هدین دشمنِ جوابّه
شمه جا خله خالیه شهیدون
بهین بوینین کوچه وخیابون
شمه خونّه چتی لینگ ولو کنّه
بد حجابون نا بلکه بی حجابون
+ نوشته شده در دوشنبه ۱۳۹۴/۰۹/۳۰ ساعت 9:39 توسط محمد محسن زاده گنجی
|
